ನವೆಂಬರ್ 30, 2020

003: ಗಜಲ್

 ಜೀವನದಲ್ಲಿ ಕೆಲವು ಸುಂದರ ಕ್ಷಣಗಳಾಗಿ ಬಂದವಳು ನೀನು

ನನ್ನ ನಾಲಿಗೆ ಮೇಲೆ ಹಲವು ಗಜಲ್ಗಳಾಗಿ ಬಂದವಳು ನೀನು 


ಕಡು ಬಿಸಿಲಿನ ಬೆವರಿನಲ್ಲಿಯೇ ನನ್ನ ಪ್ರಯಾಣ ಸಾಗುತಿತ್ತು 

ಆ ನನ್ನ ದಾರಿಯಲ್ಲಿ ಒದ್ದೆ ಮೋಡವಾಗಿ ಬಂದವಳು ನೀನು


ನಾನು ಪ್ರೇಮದ ಅನುಪಮ ಅನುಭೂತಿಯನ್ನೇ ಮರೆತಿದ್ದೆ

ಕಳೆದು ಹೋದ ದಿನಗಳಿಗೆ ಹೊಸ್ತಿಲಾಗಿ ಬಂದವಳು ನೀನು


ಮನದ ಛಾವಣಿಯು ವಿರಹದ ಮಳೆಯಿಂದ ಹಸಿಯಾಗಿದೆ 

ಆ ತಂಪಾದ ರಾತ್ರಿಗಳಲ್ಲಿ ಕಂಬಳಿಯಾಗಿ ಬಂದವಳು ನೀನು


ನಾನು ಮರುಭೂಮಿಯಲ್ಲಿ ಏಕಾಂಗಿಯಾಗಿ ಅಲೆದಾಡುತ್ತಿದ್ದೆ 

ಮನ ತಣಿಸುವ ಸಿಹಿ ನೀರಿನ ಮಡಕೆಯಾಗಿ ಬಂದವಳು ನೀನು


ಸಮಸ್ಯೆಗಳ ಮಾಯಾ ಜಾಲದಲ್ಲಿ ಕಳೆದು ಹೋಗಿದ್ದೆ ನಾನು 

ನನ್ನ ಎಲ್ಲ ಗೊಂದಲಗಳಿಗೆ ಪರಿಹಾರವಾಗಿ ಬಂದವಳು ನೀನು


ಮನದರಸಿಯ ಚಿತ್ರವನ್ನು ಮನಸಾರೆ ಬಿಡಿಸುತ್ತಿದ್ದನು 'ಮಲ್ಲಿ'

ಆ ಕಲಾಕೃತಿಗೆ ನೀರೆರೆದು ಜೀವ ತುಂಬಲು ಬಂದವಳು ನೀನು 



-✍️ರತ್ನರಾಯಮಲ್ಲ

9986353288

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ